Lenovo sjell laptopin Yoga 710 në dy madhësi, 11 dhe 14 inch

Nëse po kërkoni për laptopë të rinj, Lenovo ju ka mbuluar në këtë aspekt. Kompania ka prezantuar Lenovo Yoga 710. Ky laptop vjen në dy madhësi, 11 dhe 14-inç, dhe ndërsa ata mund të ndajnë të njëjtin emër, ato paketojnë karakteristika të ndryshme. Nëse jeni pas diçkaje të thjeshtë dhe portabël, modeli 11 inç është posaçërisht për ju.

Megjithatë, nëse po kërkoni për një laptop më të fuqishëm, atëherë ndoshta modeli 14-inch ja vlen për t’u konsideruar. Por, çfarë mund të presim nga Lenovo Yoga 710 14-inch? Së pari ky laptop paketon një ekran 14-inç Full HD me prekje. Përdoruesit gjithashtu do të jenë në gjendje të konfigurojn laptopin që do blejnë me një proçesor Core i7 me deri në 8GB RAM dhe SSD 256GB.

Madje paketon edhe një GPU NVIDIA GeForce 940MX, në mënyrë që lojtarët të cilët dëshirojnë të luajnë lojrat e tyre në levizje të jenë në gjendje t’a bëjnë një gjë të tillë. Laptopi gjithashtu sjell edhe dy altoparlant të çertifikuar Dolby JBL, një Webcam 1MP, dhe një shumëllojshmëri portash lidhëse. Sa i përket laptopit Yoga 710 11-inch, ai do të ketë një ekran 11.6-inch Full HD me prekje.

Megjithatë ai vjen me një procesor ndryshe, Intel Core M5 dhe nuk do të ketë alternativë për GPU. Njëjtë si binjaku i tij 14-inch edhe ky do paketoj 8GB RAM dhe SSD 256GB. Lenovo Yoga 710 14-inch do shfaqet me një çmim duke filluar nga $ 799, ndërsa modeli 11-inch vjen me një çmim prej $ 499. Të dy këta laptopë do të jenë në dispozicion nga Korriku i vitit 2016.