Mbërrin Razer Phone, smartfoni i parë (zyrtarisht) për lojëra

Nuk është më sekret se Razer (kompania e njohur për ndërtimin e pajisjeve periferike për lojëra dhe laptop) ka qenë e zënë duke ndërtuar një smartfon. Kompania bleu Nextbit në fillim të vitit, dhe që prej asaj kohe kanë nisur thashethemet për një Razer Phone.

Razer Phone

Kompania e prezantoi pajisjen në një event në Londër pasditen e 1 Nëntorit. Si çdo gjë që bën Razer, edhe ky celular është ndërtuar me fokusin tek lojërat, çka në këtë rast do të thotë se ka parametra mbresëlënëse:

  • Çipin super të shpejtë të Qualcomm, Snapdragon 835, i njëjti i cili fuqizon flagshipët si Pixel 2 dhe Galaxy S8.
  • Një bateri gjigante 4,000mAh
  • 8GB RAM
  • Memorje të brendshme 64GB, plus një fole microSD për zgjerim memorje
  • Dy kamera 12MP me nivele të ndryshme të zoom-it optik, njëra me kënd të gjerë, tjetra me telephoto
  • Kamera të përparme 8MP
  • Njësoj si me Nextbit Robin, sensori i shenjave të gishtave është i fshehur në butonin anësor të ndezjes
  • 802.11a/b/g/n/AC, Bluetooth 4.2, dhe NFC
  • Si fillim do të ketë Android Nougat 7.1.1, por me plan që të përditësohet në Android Oreo (8.0) në tremujorin e parë të 2018-ës
  • Ekran Quad HD IGZO LCD 5,72 inç, me frekuencë 120hz, çka do të thotë se ekrani rifreskohet shumë shpejt në mënyrë që të mundësojë animime/lëvizje më të buta. Edhe iPad Pro ka një ekran me frekuencë 120hz, por duket sikur Razor është i pari i cili ndërtoi një smartfon me një të tillë

Dhe siç duket si një trend i pandalshëm, as ky smartfon nuk ka një portë kufjesh 3.5mm, Sipas kompanisë, ata e kanë përdorur këtë hapësirë për baterinë dhe bokset. Por nga ana tjetër, në kuti ka një adaptor 3.5mm në USB-C DAC.

Dhe meqë jemi tek bokset, Razer premton audio kinematike me bokset e saj me teknologjinë Dolby Atmos®, me dy amplifikatorë të dedikuar në secilin boks.

Rezervimet për Razer Phone kanë nisur që prej 1 Nëntorit, ndërsa shitjet do të fillojnë më 17 Nëntor. Çmimet priten të jenë: US$699.99 / €749.99 / £699.99

  • 259 Posts
  • 0 Comments

Fiordi u njoh me kompjuterin dhe botën e tij kur ishte 6 vjeç, dhe shumë shpejt u shndërrua në pasionin e tij, dhe më pas zgjodhi që pasionin t’a kthejë në profesion, ku do të shtohej edhe dizajni grafik.Sigurisht, pa dalë nga territori i pasionit të tij.

I pëlqen të rrijë me orë të tëra duke lundruar në internet dhe thonë se prindërit e tij shkojnë mesatarisht 3 herë brënda natës tek dhoma e tij për t’i thënë “Fike kompjuterin tani dhe flij gjumë sepse është shumë vonë”…