Alcatel zyrtarizon telefonat Idol 4 dhe 4S

Alcatel ka zyrtarizuar serinë e tij të telefonave Idol 4 tek Kongresi Botëror Mobile (KBM 2016) duke prezantuar Idol 4 dhe 4S. Këta telefona ndjekin gjurmët e telefonit jo dhe aq të panjohur për ju Idol 3, por me më shumë stil dhe shkëlqim.

Siç ndoshta mund t’a kuptoni dhe nga emrat, Idol 4 dhe 4S ndajn shumë ngjashmëri me njëri-tjetrin sa i përket dizajnit. Të dy kanë një trup të lehtë dhe plastik i cili çuditërisht të jep atë ndjesinë e një ndërtimi të mirë dhe të fortë dhe të dy vijnë në ngjyrat ari, gri, argjend dhe ari në të rozë. Më e rëndësishmja, të dy kanë të ashtuquajturën Boom Key roli i të cilit ndryshon në varësi të asaj çfarë ju jeni duke bërë. Nëse e mbani atë të shytpur gjatë, kur ekrani është i fikur do ju aktivizoj kameran, në momentin që e shtypni atë kur jeni duke dëgjuar muzikë eksperienca e audios automatikisht do të ndyshoj. Idol 4 është qartësisht më i dobëti ndër këta të dy, por edhe ky ka se me çfarë të krenohet. Idol 4 paketon një proçesor octa-core Snapdragon 617 (1.7 GHz + 1.2 GHz), ekran 5.2-inç 1080p, një kamer kryesore 13-megapixel, 16GB magazinim në bord (e zgjerueshme me anë të kartës microSD) dhe një bateri 2610 mAh.

Të flasim realisht, nëse keni ndërmend të bleni një telefon me kosto të ulët, do ju sugjeroja të konsideronit Idol 4S. Është po aq i hollë sa Idol 4, por sjell në bord një proçesor më të fuqishëm, Snapdragon 652, i cili nga 8 core, 4 i sjell me nga 1.8 GHz dhe 4 të tjera me nga 1.4 GHz, dhe çuditërisht ka edhe një ekran shumë të bukur AMOLED 5.5-inç Quad HD. Kamera mbrapa gjithashtu ka pësuar përmirësim, nga 13 megapiksel që ishte tek Idol 3 është rritur në 16 megapiksel. Megjithëse mund të tingëlloj çuditshëm, pjesa me e mirë e Idol 4S mund të jetë kutia në të cilën vjen, e cila në fakt nuk është një kuti por një pajisje VR (virtual reality). Mos prisni që kjo pajisje VR t’ju dërgoj në një botë virtuale por me të, mund të provoni të shihni video 360-gradshe që mund të gjeni online, ose të ekrsperimentoni me aplikacionin Google Cardboard.