Apple prezanton më në fund iPhone 7 dhe iPhone 7 Plus

Dhe më në fund është këtu.

Pas muajsh të tërë aludimesh dhe spekulimesh, Apple më në fund ka prezantuar sonte iPhone 7 dhe iPhone 7 Plus (edhe pse pak më herët nga evenimenti i saj).

Ashtu siç pritej, gjenerata e 10 e iPhone do të vazhdojë të ketë dizajnin e iPhone 6 me ekranet 4,7 dhe 5,5 inç, por me disa ndryshime specifiketë vogla. iPhone 7 do të vijë në ngjyrat: E artë, Rozë e Artë, Argjend, E zezë, dhe E zezë sterr. (Lamtumirë Gri kozmike!)

iphone7plus-lineup-pb_pr-print

Gjithashtu iPhone 7 do të vijë me një ekran të ri më të fuqishëm me më shumë ngjyra, do të hiqet porta e kufjeve, si dhe janë vendosur autoparlantë stereo.

Një risi e veçantë në iPhone 7 është kamera.

apple-iphone7-matblk-2up

Sistemi i kamerës në iPhone 7 do të jetë tërësisht inovativ dhe i avancuar. Të dyja pajisjet do të kenë një kamera 12 megapiksel, e cila përfshin stabilizimin optik të imazhit, një aperturë më të madhe prej ƒ/1.8, dhe 6 elemente lentesh të cilat do të mundësojnë foto dhe video më të pastra dhe më të detajuara.

apple-iphone7plus-zoom

Zmadhimi optik do të jetë 2x, ndërsa zmadhimi digjital do të jetë 10x. Kamera do të jetë aq e sofistikuar dhe e mrekullueshme, sa që do të mund të bëjë ndarjen e objektit me sfondin, për të mundësuar shkrepje portretesh më të mira, të cilat janë të mundura vetëm me kamerat DSLR.

Disa karakteristika të tjera të kamerës janë:

  • Një procesues të ri të sinjalit të imazhit të dizenjuar nga Apple, i cili proceson gati 100 miliard operimi në një foto të vetme, në vetëm 25 mili sekonda, çka rezulton në foto dhe video të pabesueshme.
  • Kamera e re FaceTime 7 megapiksel, me gjerësi ngjyrash dhe stabilizim automatik të imazhit për selfie më të mira.
  • Blic i ri Quad-LED True Tone i cili është 50% më i shndritshëm se sa në iPhone 6S.

Më shumë performancë dhe bateri.

download

iPhone 7 dhe iPhone 7 Plus do të fuqizohen nga procesori i ri A10 Fusion me katër bërthama, i cili është 40% më i shpejtë se A9 në iPhone 6S, dhe koprocesori M10 i cili do të jetë 50% më i shpejtë se M9, i cili do t’i mundësojë pajisjeve grafika super të fuqishme.

Të dy smartphone-t do të mbështesin plot 25 banda të LTE, çka do ta bëjë më të lehtë përdorimin e rrjetit 4G kudo në botë, dhe arrin një shpejtësi deri në 450Mbps.

Bateria e iPhone 7 dhe iPhone 7 Plus vjen me një jetëgjatësi më të madhe, gati dy herë më shumë se iPhone 6S.

iPhone 7 dhe iPhone 7 Plus do të jenë rezistent ndaj ujit dhe pluhurit

crxaiqhweau__8i

Një karakteristikë kjo që pritej që në vitin 2014 kur u prezantua iPhone 6, por më mirë vonë se kurrë. iPhone-t e rinj do të jenë rezistent ndaj ujit dhe pluhurit. Kështu që mund të zhyteni me të pa problem.

Përsa i përket çmimit, modeli bazë i iPhone 7 (32GB) do të fillojë nga 649 dollarë, për të vijuar më pas me 749 dollarë për modelin 128GB, dhe 849 dollarë për modelin 256GB.

Ndërsa iPhone 7 Plus do të kushtojë 869 dollarë për modelin 128GB dhe 969 dollarë për modelin 256GB.

  • 262 Posts
  • 0 Comments
Fiordi është kryeredaktor i Informatriks. Ai është i hapur për çdo sugjerim, ide apo thashethem që mund të keni.
Posting....