CES 2017: Prezantohen Samsung Chromebook Plus & Chromebook Pro
Laptopë ka me shumicë dhe disa prej tyre variojnë nga më i liri deri tek më i shtrenjti. Nëse nuk e shihni të nevojshme blerjen e një laptopi të shtrenjtë për shkak se ju thjesht dëshironi të shkruani raporte, të bëni detyra ose të shfletoni në përgjithësi, Chromebook-ët janë një zgjidhje e mirë, dhe Samsung sapo ka prezantuar dy prej tyre.
Prezantuar tek CES 2017, Samsung zbuloi dy Chromebook të rinj, Chromebook Plus dhe Chromebook Pro. Të dy laptopët kanë të njëjtën madhësi dhe të dy kanë një ekran LED të njëjtë 12.3-inç 2400×1600. Ato gjithashtu janë pak a shumë si pajisje hibride falë fleksibilitetit i cili u lejon të transfomohen nga një laptop në një tablet, ku gjithashtu mund të përmendim dhe stylus-in i cili lejon përdoruesit të përdorin ekranin prekës sa më rehatshëm.
Natyrisht ka disa dallime ndërmjet këtyre dy modeleve, modeli Plus ka një proçesor ARM OP1 hexa-core, ndërkohë që modeli Pro ka një proçesor Intel Core M3. Grafika gjithashtu është një dallim tjetër ku Plus përdor një grafikë të brendshme, kurse Pro një grafikë Intel HD.
Sa i përket çmimit, Samsung ka vlerësuar Chromebook me një çmim i cili fillon nga $449, kurse sa i përket modelit Pro nuk u tha asgjë në lidhje me të.
[wzslider]
