Microsoft prezanton PC-në $3000 Surface Studio

https://youtu.be/BzMLA8YIgG0

Microsoft në eventin që mbajti në New York prezantoi kompjuterin All In One, të qaujtur Surface Studio. Dizenjuar për “krijuesit” dhe “profesionistët”, Surface Studio përmban një ekran me prekje TrueColor 28-inch (3:2 aspect ratio) në një shasi 12.5mm e cila përmban 13.5 milion pixels (192 PPI), 63 për qind më shumë se një TV 4K, shprehet Microsoft.

Microsoft shpenzoi një sasi të konsiderueshme kohe duke folur për ekranin dhe dukej qartësisht krenar për atë çfarë kishte krijuar. Sigurisht, ekrani dhe i tërë sistemi është mahnitës.

Ndryshe nga disa AIO që ndërtojnë një kompjuter në pjesës e pasme të ekranit, Microsoft ka zgjedhur për të vënë harduerët tek baza që mban ekranin. Brenda, ju do të gjeni gjeneratën e gjashtë të Intel Core i7 CPU, një kartë grafike Nvidia 980M me 4GB memorie GDDR5, 32GB RAM dhe një drive deri 2TB “rapid hybrid”.

Surface Studio ofron 802.11 a/b/g/n/ac Wi-Fi, Bluetooth 4.0, mbështetje për kontrollorët wireless Xbox, katër porta USB 3.0, një lexues kartash SD, një mini DisplayPort dhe një portë kufjesh 3.5mm. Kamera frontale 5-megapixel punon me Windows Hello.

Përveç kësaj për të qenë në përputhje me Surface Pen, Surface Studio gjithashtu mund të lidhet me një pajisje të re hyrëse të quajtur Surface Dial.

Nëse e shtypni Dial, ky i fundit do të sjellë në jetë një menu rrethore në ekran e cila bashkëvepron thjesht duke rrotulluar Dial nga e majta në të djathtë.

Microsoft tani po pranon porosi për Surface Studio me një lançim të planifikuar në datën 15 Dhjetor. Çmimet fillojnë nga $ 2,999 për një Intel Core i5, 8GB RAM, GeForce GTX 965M GPU dhe 1TB hapësirë dhe rritet deri në $ 4,199 për një Intel Core i7, 32GB RAM, GTX 980M dhe 2TB hapësirë.