Si të shkarkoni muzikë nga Soundcloud (kur opsioni i shkarkimit nuk është në dizpozicion)
SoundCloud mbahet si një nga platformat kryesore muzikore në të cilën çdokush mund të krijojë dhe ndaj muzikë me të tjerët. Nëse ju nuk jeni një krijues, ju mund të shkoni në SoundCloud për të kërkuar, zbuluar, apo të luani muzikë direkt nga sajti.
Muzika në këtë sajt nuk ka kufi, varion nga artistët e mëdhenj të popit si Madonna dhe Justin Bieber deri tek ylli i muzikës shqiptare Luana Vjollca.
Por tani që ju kujtova Luanën të gjithë jeni të uritur të dini se si të shkarkoni këngët e saj nga SoundCloud.
Krijuesit në SoundCloud mund të aktivizojnë opsionin e shkarkimit për këngët e tyre i cili i mundëson çdo kujt që ka një llogari, të shkarkoj këngët falas në pajisjet e tyre.
Ikona e shkarkimit është e vendosur pas asaj “Share” dhe do ju kërkoj të logoheni ose të krijoni një llogari nëse e klikoni.
Por gjbiteam.com ju kujton se këtë opsion do e shihni vetëm nëse krijuesi (ngarkuesi) e ka aktivizuar.
Por në ato raste kur opsioni i shkarkimit nuk është në dizpozicion, si është e mundur shkarkimi i këtyre këngëve falas?
Në këtë rast e gjitha çfarë ju duhet është thjesht instalimi i një shtojce në shfletuesin që ju përdorni.
Google Chrome
Nëse jeni duke përdorur Google Chrome (ose një shfletues me bazë Chromium të tillë si Opera ose Vivaldi) shkoni tek dyqani zyrtar i Chrome dhe instaloni shtojcën SoundCloud Downloader Free në shfletues.
Sapo të instalohet do shihni butonin e shkarkimit aty ku shfaqet gjithmonë kur është i aktvizuar.
Ju kujtojmë që për të shkarkuar një këngë duhet të hapni secilën këngë individualisht sepse përndryshe, pra kur ndodheni në një listë këngësh nuk do e shihni të shfaqet.
Mozilla Firefox
Përdoruesit e Firefox do ju duhet të instalojn shtojcën me emrin SCDL SoundCloud Downloader.
Kjo shtojcë funksionon gati kudo, tek playlist-at, si dhe tek këngët individuale.
Shtojca shton automatikisht informacionet e këngës duke përfshirë emrin e këngës dhe të këngëtarit, zhanrin, imazhin e këngës, linkun e këngës etj.
Nëse njihni mënyra të tjera për të shkarkuar këngë nga Soundcloud, ju lutem mos hezitoni të na i tregoni ato me anë të komenteve më poshtë.
