Wiki Weekend Tirana 2016

Enciklopedia internetike Wikipedia, me mbi 30 milion artikuj në 287 gjuhë dhe me mbi 5 milion artikuj në versionin anglisht, konsiderohet pishtar i shpërndarjes së dijes së hapur.

Nisur nga dëshira për të pasuruar artikujt në gjuhën shqipe në Wikipedia, duke i lehtësuar në këtë mënyrë kërkimin dhe informimin çdo shqipfolësi, komuniteti i Open Labs së bashku me Wikimedians of Albanian Language User Group zhvillojnë për të tretin vit rradhazi Wiki Weekend Tirana 2016. Gjatë fundjavës së parë të dhjetorit, përkatësisht në datat 3 dhe 4 dhjetor, pjesëmarrësit do të mblidhen në ambientet e shkollës profesionale “Hermann Gmeiner” në fshatin SOS (Tiranë) në një program që kombinon puntoritë (workshops) me prezantimet nga wikipedianët nga Tirana, Elbasani, Prishtina, Ohëri, Gjilani, Zyrihu etj.

Ky aktivitet synon që të ndërtohen ura bashkëpunimi me wikipedianë të tjerë nga rajoni, të inspirohen wikipedianë të rinj që të bashkohen me komunitetin, të njihet publiku me projektet e Wikimedia, të organizohen edit-athon-e dhe të rritet ndërgjegjësimi i mediave lokale rreth rëndësisë së ndarjes së dijes përmes projekteve të lidhura me platformat dhe kulturën bashkëpunuese wiki.

Aktiviteti fillon në 9:00 dhe mbaron në 16:00 (të shtunën dhe të dielën) dhe është i pasuruar me një shumëllojshmëri punëtorish me karakter teknik (workshops), prezantimesh, bisedash dhe (më e rëndësishme) edit-a-thon, ku të pranishmit do venë në punë njohuritë e marra dhe do punojnë në grup për përmirësimin e mëtejshëm të artikujve të Wikipedia me fokus të veçantë artikujt rreth monumenteve të kulturës së vendit tonë.

Detajet rreth aktivitetit duke përfshirë të ftuarit, axhendën e plotë etj mund ti gjeni në https://sq.wikipedia.org/wiki/Wikipedia:Wiki_Weekend_Tirana_2016

REGJISTRIMI
Aksesi në aktivitet është falas, por regjistrimi është i nevojshëm.
Wikipedia Weekend in Tirana 2016 do të organizohet nga komuniteti Open Labs hackerspace dhe Wikimedians of Albanian Language User Group në 3 dhe 4 dhjetor në ambientet e shkollës profesionale Hermann Gmeiner në fshatin SOS, Tiranë, Shqipëri.

Klikoni këtu për t’u regjistruar

ÇFARË ËSHTË WIKIPEDIA?
Është një encikplopedi internetike që i jep akses të lirë milliona njerëzve çdo ditë. Me mbi 30 milion artikuj në 287 gjuhë dhe me mbi 4.4 milion artikuj ne versionin anglisht konsiderohet pishtar i dijes së hapur. Versionin shqip mund ta gjeni në sq.wikipedia.org

PËRSE WIKIPEDIA?
Nuk ka asgjë më të përshtatshëm se Wikipedia në qoftë se jeni duke kërkuar për disa informata të shpejta, apo doni të merrni një kuptim bazë të asaj që do të thotë diçka para se të fillonte më të thellë hulumtime, ju mund të merrni çfarë ju duhet nga Wikipedia.

KUSH E ORGANIZON?
Open Labs është qendra e komunitetit Shqiptar promovues të teknollogjive dhe kultures open source si dhe dijes së hapur. Komuniteti organizon takime javore për zhvillimin e mëtejshëm të projekteve si Wikipedia, Linux, Mozilla, WordPress, LibreOffice etj.