Aplikacioni f.lux tani është në dizpozicion në Play Store (Root është i nevojshëm)

Disa javë më parë, krijuesit e filterit më të njohur për ekranet desktop, f.lux, filluan testimin e një versioni beta për Android. Tani, aplikacioni është në dispozicion në Play Store për të gjithë. Aplikacioni është falas por për t’a instaluar do ju duhet që të keni një pajisje që ka privilegje administrative, pra Root.

Premisa e aplikacioneve si ky është se drita blu mund të ndërhyjë me ciklin tuaj të gjumit, kështu që është më mirë për t’a filtruar atë në mbrëmje. Ka disa aplikacioni Android që bëjnë një gjë të tillë si CF.lumen dhe Twilight, edhe pse ky i fundit nuk ka nevojë për një pajisje Root që të funksionojë. Por GJBITeam ju kujton se Twilight vendos një shtresë të kuqe përmbi dhe nuk mund të funksionojë aq mirë sa një aplikacion tjetër që kërkon akses Root. f.lux përfshin programimin (aktivizohet duke u bazuar në vendodhjen tuaj, pra në momentin se kur errësohet tek ju), përfshin ngjyra të ndryshme sa i përket temperaturës, dhe më tepër.

Zhvilluesit thonë se aplikacioni duhet të punojë në shumicën e pajisjeve Root me Marshmallow dhe Lollipop, si dhe në disa ndërtime të mëparshme Android në pajisje të caktuara. Zhvilluesit fillimisht thanë se do ju duhet të regjistroheni për këtë version beta, por me sa duket është në dispozicion për të gjithë, pa nevojën e regjistrimit.