Përshëndetje përsëri! – Një tjetër Apple Special Event më 27 Tetor
Kanë kaluar vetëm 6 javë nga Eventi Special i Apple ku u prezantuan seria e dytë e orës inteligjente të Apple ‘Apple Watch 2‘, flagship-et iPhone 7 dhe 7 Plus si dhe kufjet wireless ‘AirPods‘, por nuk mbaron me kaq. Kështu si pa pritur, edhe këtë vit Apple ka zyrtarizuar Eventin e saj Special më 27 Tetor, ku do të shohim një rifreskim të linjës MacBook.
Nëse kjo do të rezultojë e vërtetë, eventi do të shënojë rifreskimin e parë të linjës MacBook Pro pas një viti. Në fakt, nëse posedoni një MacBook Pro të 2015-ës, atëherë ju keni një laptop me procesor i cili është dy gjenerata i vjetër, çka është ca i moshuar në lidhje me standardet moderne.
Sipas thashethemeve, thuhet se kjo linjë do të ketë një ndryshim në estetikë, ndryshim ky që i ka munguar që prej vitit 2012. Linja e re mund të karakterizohet nga një shirit OLED sipër tastierës me një ekran dinamik i cili përshtatet në varësi të apliakcionit që po përdorni. Gjithashtu do të ketë edhe një tasiterë dinamike, por disa ndryshime të tjera do të pësojnë edhe portat e USB-ve, shtimi i një porte USB-C, heqja e portës së kufjeve (Apple e paska marrë seriozisht me këtë të fundit), si dhe një përmirësim të ndejshëm të kartës grafike.
Por për momentin na duhet të presim konferencën për më shumë detaje, të cilën mund ta ndiqni direkt nga faqja zyrtare e Apple dedikuar konferencës me një pajisje iOS, Mac apo Windows Edge. Në fund të saj, të gjitha zhvillimet do t’i gjeni tek gjbiteam.com.