Falë një shtegu nga Microsoft, mundeni ende të kaloni falas në Windows 10.

Microsoft e mbylli oferten e tij për të marrë falas Windows 10-n më 29 korrik të vitit të kaluar, ose kështu menduam ne. GJBITeam ju tregon që ekziston një shteg i cili edhe sot ju lejon të rrisni versionin e Windows, në mënyrë zyrtare. Pra, nqs po përdorni Windows 7 apo 8 dhe keni qejf për një rritje, kjo është metoda më e mirë nqs nuk e vrisni mendjen për një “gënjeshtër” të pastër.

Kalimi falas në Windows 10 ekziston ende por, vetëm nëse në pajisjen tuaj përdorni teknologjitë e aksesibilitetit si psh, treguesi me zë i ekranit (screen narrator) apo zmadhuesi(magnifier). Ju thjesht mjafton të shkoni faqja e internetit të përditësimit me anë aksesibilitetit, të pohoni që përdorni teknologjitë ndihmuese në pajisjet tuaja Windows 7 apo 8 dhe të shkarkoni përditësimin. Microsoft nuk është se i kontrollon nëse i përdorni apo jo këto mjete kështu që duket se është një lojë e drejtë për të gjithë.

Pra, nëqoftëse ju në fakt i përdorni këto teknologji ndihmuese, Windows 10 është totalisht falas për ju. Mëgjithatë edhe nqs nuk i përdorni edhe ndërgjegjia j’ua lejon, prapëseprapë mund të kaloni në Windows 10, edhe pse teknikisht s’duhet ta bëni. Oferta e përditësimit falas nuk është se ka një datë përfundimi mirëpo Microsoft thotë se do bëjë një dalje publike kur planifikon ta bëjë këtë gjë.