Windows 10 Mobile planifikohet të vij për Xiaomi Mi 5, OnePlus 2 & 3

Xiaomi prezantoi tek KBM 2016 flagship-in e tij më të fundit, Xiaomi Mi 5. Para lançimit të tij, ka pasur thashetheme që pretendonin se telefoni mund të vinte në variantin me Windows 10 Mobile, por tani është e sigurtë t’a themi që prezantimi i tij nuk përmendi gjë në lidhje me një variant të tillë.

Megjithatë sipas thashethemeve të fundit, Microsoft mund të jetë duke punuar në një ROM Windows 10 Mobile për këtë pajisje, thashethemet gjithashtu pretendojn se ky ROM mund të zhvillohet edhe për shumë pajisje të tjera Android si OnePlus 2 dhe OnePlus 3, i cili pritet të vijë këtë Qershor.

Tani nëse mendoni se ideja është pak qesharake, në fakt nuk është. Vitin e kaluar, Microsoft lançoi ROM-in Windows 10 Mobile për Xiaomi Mi 4, kështu që për t’a bërë përsëri këtë për Mi 5 nuk ka nevojë shumë të madhe për imagjinatë. Gjithashtu nëse ata sollën ROM-in tek Mi 4, mendojm që nuk do jetë e vështirë që t’a sjellin atë dhe tek OnePlus 2 gjithashtu.

Megjithatë, pyetja është nëse Microsoft e dëshiron këtë gjë apo jo. Deri tani të gjitha janë thashetheme, por çfarë mendoni ju? A mendoni se lëshimi i një ROM-i me Windows 10 Mobile për pajisjet Android mund të jetë një mënyrë e mirë për Microsoft që të filloj të vjedh pak pjesë nga tregu i iOS dhe Android?