Android Instant Apps ju lejon të hapni aplikacionet pa qenë nevoja t’i instaloni ato

Dje, Google prezantoj një vrojtim të një projekti të ri për të cilin ne mendojmë se do të ndryshojë mënyrën se si njerëzit do të përdorin aplikacionet në Android. Projekti quhet Android Instant Apps, dhe bën që aplikacionet Android të jenë në gjendje të funksionojn në çast, pa nevojën e instalimit. Me Instant Apps, një prekje e lehtë në një URL mund të hap direkt një aplikacion Android, edhe pse përdoruesi nuk e ka të instaluar atë në telefon.

Si një zhvillues, juve nuk do ju duhet të ndërtoni një aplikacion të ri, pra të ndarë nga ai ekzistues. Eshtë e njëjta API, i njëjti projekt, i njëjti kod. Ju thjesht do të përditësoni aplikacionin tuaj ekzistues Android për të përfituar funksionalitetin Instant Apps, Në fakt, për disa zhvillues nuk merr më shumë se një ditë kohë, megjithëse përpjekja e përfshirë këtu, varion në mënyrën se si është strukturuar aplikacioni juaj. Mbas përditësimit të aplikacionit tuaj, Google Play shkarkon vetëm pjesët që janë të nevojshme. Aplikacioni i përditësuar do të jetë në dispozicion në më shumë se një miliardë pajisje Android të cilat përfshijnë edhe Android Jelly Bean.

Ky është një ndryshim i madh, kështu që do të marrë pak kohë. Google shprehet se ka qenë duke punuar me një grup të vogël partnerësh për të ndihmuar në përmirësimin e përvojës, duke përfshirë zhvillues si BuzzFeed, B & H Photo, Medium, Hotel Tonight, Zumper dhe Disney. Google u shpreh se gradualisht do zgjerojm aksesin tek zhvilluesit dhe më pas tek të gjithë përdoruesit.

Nëse jeni të interesuar për të mësuar më shumë rreth Android Instant Apps, vizitoni faqen e internetit të zhvilluesve për Android, ku ju mund të regjistroheni për përditësime sapo ato të bëhen të disponueshme.