Chrome për Android merr një nga karakteristikat që gjithmonë keni kërkuar

A keni dashur ndonjëherë që të vazhdonit të dëgjonit audio nga një video që po luhet në Chrome për Android edhe nëse kalonit në një aplikacion tjetër? Nëse e bëni këtë gjë, videoja që aktualisht po luhet do të ndalet dhe po kështu edhe audio, por me sa duket Google ka dëgjuar kërkesat e përdoruesve. Chrome për Android beta tani është i aftë të luaj audio nga një video edhe në qoftë se ju kaloni në një tjetër aplikacion.

Versioni beta i Chrome 54 për Android është lëshuar dhe është i aftë të luaj video web në sfond. Kjo do të thotë që ju mund të vazhdoni duke dëgjuar një leksion, ndërkohë që po kërkoni ndonjë dokument PDF në pajisjen tuaj. Mundësitë këtu janë të pafundme.

Pasi ju të kaloni në një tjetër aplikacion, ndërsa videoja ende po luhet, ju do të shihni një njoftim që përmban kontrollet për audio, pra butonin Play dhe Pause në mënyrë që ky tipar themelor të mund të kontrollohet lehtë pa marrë parasysh se në cilin aplikacion ndodheni.

Nëse dëshironi të provoni Chrome 54 beta, hapni Google Play Store dhe shkarkojeni në pajisjen tuaj. GJBI Team ju kujton se versioni beta mund të ketë dhe ca bug-e kështu që është në dorën tuaj nëse dëshironi që ta merrni këtë tipar që nga ky moment ose të prisni për implementimin e tij në versionin stabël.