“Heroes Reborn: Enigma” shpallet loja e muajit dhe jepet FALAS nga IGN
IGN ka emëruar lojën mister dhe aksion “Heroes Reborn: Enigma” të “Phosphor Games Studio” si lojën e saj falas për muajin Shkurt të vitit 2016, duke shënuar kështu herën e parë që kjo lojë e cila kushton $4,99 jepet falas që kur u lançua në Tetor të 2015-ës.
Lojtari në lojë luan si Dahlia, një njeri i evoluar me fuqi të pabesueshme. Ju duhet të zgjidhni mistere të ndryshme dhe t’i mbijetoni testimeve në mënyrë që të shpëtoni robërisë nga Gurorja, një objekt sekret i qeverisë.
Ju duhet t’i shfrytëzoni fuqitë tuaja të ndryshimit të kohës, të telekinezisë (zhvendosjes së objekteve me anë të mendjes suaj) dhe manipulimin e kohës për t’i mbijetuar sfidave mbijetuese. “Do të të duhen aftësi të vërteta për të shpëtuar nga pengmarrja në të cilën po mbaheni dhe të shpëtoni motrën tuaj,” lexon përshkrimi i lojës.
Enigma ka rreth 30 nivele dhe vazhdon të evolojë ndërkohë që fuqitë dhe aftësitë tuaja rriten përgjatë lojës. Phosphor Games, skuadra që qëndron pas “Heroes Reborn: Enigma”, ka krijuar gjithashtu edhe tripletën e lojrave për celularë si “Horn” dhe “A Dark Meadow”.
IGN e quan Enigma “një lojë të paparë aksioni me mistere interesante të cilat zgjidhen me një shumëllojshmëri fuqish, duke shtuar ndryshimin e kohës dhe telekinezis.”
Si të merrni Heroes Reborn: Enigma:
(Duke qenë që ky promocion nuk është i vlefshën në Shqipëri, ju duhet të përdorni një “proxy” për t’u dukur sikur po e vizitoni faqen nga Sh.B.A-të)
- Vizitoni hideip.pw nëpërmjet Safari-t nga iPhone-i, iPod Touch, iPad apo Mac- juaj.
- Tek kutiza hideip.pw futni adresën e IGN (http://www.ign.com/prime/promo/heroes-reborn-enigma-free) dhe shtypni “Begin Browsing”.
- Tek faqja që do t’ju shfaqet shtypni butonin e kuq “Get Free Game” poshtë grafikës.
- Shtypni kodin e promocionit dhe merrni lojën falas në App Store.
