Përditësimi Windows 10 Anniversary do të vij këtë verë
Me ardhjen e muajit Korrik, Windows 10 bën plot 1 vit që është në dizpozicion. Microsoft po planifikon të festojë duke sjellë tek përdoruesit një përditësim të ri. Ata do e quajnë këtë përditësim Windows 10 Anniversary (Përvjetori) dhe sipas një postimi në blogun e tyre zyrtar, do të sjell “një eksperiencë të re dhe mundësi për zhvilluesit.”
Përditësimi Anniversary do të sjellë disa ndryshime në Windows UI, por prisni që këto të jenë relativisht ndryshime të vogla. Gjithashtu në menu do serviret dhe mbështetja e zgjerueshme për Windows Hello. Do të funksionoj dhe me Edge si dhe zhvilluesit do jenë në gjendje të implementojnë mbështetje tek aplikacionet, gjithashtu.
Microsoft gjithashtu do sjell dhe shumë përmirësime të tjera sa i përket “Stylus” në Windows 10. Përditësimi Anniversary do të prezantoj Windows ink, i cili do sjell një aplikacion Sticky Notes totalisht të ri.
Fatmirësisht, në këtë përditësim do të shihni dhe një Cortana më të dobishme, e cila do ju ndihmojë në programimin e axhendës tuaj si dhe të kërkojë për ju informacione të ndryshme në internet. Ajo gjithashtu është në gjendje të performoj veprime në aplikacione të palës së tretë, dhe tashmë janë të paktën 1000 aplikacione në Microsoft Store që mund të ndërveprojnë me të.
Përditësimi Windows Anniversary do vijë edhe për Xbox One gjithashtu, dhe ndryshimet që do sjell janë jashtëzakonisht të mëdha. Fillimisht, do sjell mbështetje për aplikacionet Universale në Xbox One. Gjithashtu do të bëj të mundur kthimin e çdo Xbox One në një pajisje për zhvilluesit.
