Photo Shader tashmë bëhet një aplikacion universal

Photo Shader është përditësuar në versionin 3, i cili prezantoi disa përmirësime. Një nga karakteristikat më kryesore e versionit më të fundit është mbështetja për Windows 10, duke e bërë atë një aplikacion universal. Ju ka pëlqyer Photo Shader në smartfonin tuaj? Ju tani do të keni mundësi të përfitoni po të njëjtën përvojë por në një ekran më të madh.

Duke shfrytëzuar përshpejtimin e harduarëve, zhvilluesi i Photo Shader ka bërë të mundur që të gjitha efektet të gjenerohen në kohë reale ndërkohë që ju luani me opsionet. Një karakteristikë e spikatur në këtë version është “historia”, por ndryshe nga shumica e aplikacioneve që kanë një karakteristikë të tillë, në këtë aplikacion kjo karakteristikë ju lejon të ktheni ndryshime specifike, jo vetëm ndryshimet më të fundit. Kjo është diçka e përkryer për ato momente kur ju bëni një sërë ndryshimesh të bukura, por që mendoni të hiqni një efekt të veçantë që keni bërë disa momente më parë.

Ja disa nga karakteristikat e aplkacionit të listuara në Windows Store:

Editim i shpejtë dhe i lehtë i fotove

Mbi 40 efekte të ndryshme, filtera dhe përshtatje

Performancë e nivelit të lartë, që do të thotë, efektet aplikohen në çast, s’keni pse prisni

Ktheni, bllokoni dhe editoni çdo efekt individual në listën tuaj të historisë