Cortana do të sinkronizojë njoftimet tuaja Android tek Windows 10

Një arsye e madhe që më bën ta pres me padurim përditësimin Windows 10 Anniversary, është rritja e funksionalitetit të Cortana-s. Windows Insiders tashmë janë në gjendje të aksesojnë karakteristikat e reja të saj, të cilat priten të vijnë për të gjithë të tjerët në përditësimin e madh.

Një nga aftësitë më të mira, të përftuara nga Cortana është ndërveprimi i thellë me telefonin tuaj Android. Meqë vetëm pak njerëz përdorin Windows 10 Mobile (pjesërisht për shkak të periudhës së saj të tmerrshme që po kalon), aplikacioni Cortana në Android është një zgjidhje më e mirë.

Me këtë përmirësim, Cortana do të ju shfaq mesazhet e reja dhe do të ju lejojë të shihni se çfarë po ndodh në telefonin tuaj pa e prekur fare atë.

PushBullet tashmë mund të sinkronizoj PC-në dhe telefonin tuaj Android, por të kesh një zgjdhje native është gjithmonë një alternativë e mirë (plus, PushBullet ka kufizuar shumë karakteristika për përdoruesit e saj pa pagesë).

Po ju çfarë mendoni rreth kësaj? A ju pëlqen të shihni dhe t’u përgjigjeni njoftimeve tuaja Android kur jeni duke punuar në PC apo preferoni të përdorni më mirë telefonin tuaj? Na tregoni më poshtë tek komentet nëse vendosni të provoni këtë karakteristikë kur të vijë muajin e ardhshëm!