Instagram vjen me një pamje krejtësisht të re

Sot Instagram ka prezantuar një pamje të re të saj duke filluar që nga ikona e deri tek dizajni i aplikacionit. Në vend të atij katrorit kaf polaroidesk të cilin e njohim mjaft mirë, logoja e Instagram-it është tani më e shndritshme, plot ngjyra dhe përshtatet me trendin e dizajnit të sheshtë.

Të njëjtin ndryshim kanë patur edhe aplikacionet Hyperlapse, Boomerang, dhe Layout gjithashtu, duke i lidhur të katërta këto aplikacione së bashku.

Brenda aplikacionit të Instagramit dhe në versionin e tij Web, gjërat nuk kanë ndryshuar shumë. Ka ndryshime të vogla në ndërfaqjen e përdoruesit, si një shirit i bardhë në pjesën e sipërme të faqes dhe ikona ngjyrë të zezë në vend të blusë. Kompania thotë se është dizenjuar për të bërë faqosjen më të thjeshtë, kështu që ju mund të fokusoheni fillimisht në imazhet të cilat shpërndahen.

Ikonat me ngjyrat e ylberit supozohet të përfaqësojnë komunitetin e shumëllojshëm të Instagram-it, çka do të thotë se i sjell të gjitha llojet e jetëve dhe ngjyrave në platformë.

“Ngjyra ka qenë gjithmonë një pjesë e rëndësishme e Instagram, ju mund ta shikoni këtë në ikonën klasike të aplikacionit, filterat, dhe fotot dhe videot e komunitetit,”- tha Ian Spalter, Shefi i Dizajnit tek Instagram.

“Kur ne filluam ta ri-imagjinonim ylberin, ne pamë opsione më minimale, por në fund ne na nevojitej më shumë ngrohtësi dhe energji për ta kompletuar glifin.”

Ky është ridizenjimi i parë i logos së Instagram-it që kur doli në pah fillimisht para pesë vitesh. Lënia pas e një ndërfaqe blu të përdoruesit e ndan atë edhe nga kompania mëmë Facebook, e cila e bleu atë në vitin 2012 për 1 miliard dollarë.

Instagram